લજામણી..

2011-06-21T09:53:00.004+05:30

ક્યાં સુધી ના ભીંજાવું વરસાદમાં
તું તો મજાનો ભીંજાય વરસાદમાં

નદી કેમ કોરી વહે ? વરસાદમાં
દરિયાઓ તો ખળભળે વરસાદમાં

વર-સાદ કદી વરસે? વરસાદમાં
કેમની વિતશે આ રાત વરસાદમાં

હવે,ક્યાં મળી શકવાનાં વરસાદમાં
તું સુરતમાં અને હું અમદાવાદમાં

2011-02-17T10:20:00.002+05:30

દોસ્ત એકવાર આવ રાત ઉદાસ છે ,

તને યાદ કરી  એ  ખાસ ઉદાસ છે

2010-12-28T10:12:00.004+05:30

તારું મને એવું તો વળગણ મળે

સદીયો સુધીનું કોઇ સગપણ મળે

શોધવા તને બેસું તો કણેકણ મળે
કેમ રાતભર હાથમાં મૃગજળ મળે

તારાથી તરબતર ક્ષણક્ષણ મળે
લાલ-લીલા રંગોની રમઝટ મળે

વરસવું તારું ભલે ને ઝરમર મળે
પણ સ્મિત મારું તને હરપળ મળે

2010-01-09T17:44:00.005+05:30

ચંદ્ર પણ ખીલતો નથી તારા ગયા પછી,

પછી,

મારી તો શી વિસાત તારા ગયા પછી

2010-01-09T17:31:00.006+05:30

આંખોની આ ગેરસમજ છે.
તું નથી તોય તારી જ સમજ છે !

2010-01-09T17:16:00.001+05:30

કહું તો કોને કહું તારા સિવાય

કોઇ પણ નથી તારા સિવાય...

2010-01-06T10:04:00.010+05:30

સાવ નાની વાત ની કેવી અસર થઈ?

એ આંખોની નજર હવે સમજણ થઈ !

2009-12-25T09:55:00.006+05:30

આ નભ,વાદળ અને ચાંદની

વાત હતી એક ખાલી રાતની

ઠૂઠાં થઈ ટટ્ટાર ઉભેલા ઝાડની

ચોમેર ફેલાતા આછાં પ્રકાશની

રાહ જોઈ થાકેલા એક બાગની

ફૂલો સાથે સંબંધ તોડનાર સુવાસની

કદી ના મળી શકનાર વળાંકની

વિસરાઇ ગયેલા એક મુકામની

2009-12-01T18:19:00.002+05:30

દૂર તારાથી મારે ક્યાં રહેવું હતું ?
તારી નીકટતા લોભામણું સપનું હતું

2009-11-30T18:01:00.000+05:30

રાધાનું રૂપ એક, કાનાનું હજાર ,

આભમાં ચંદ્ર એક, તારાઓ હજાર

2009-11-30T09:48:00.002+05:30

મન કેવું અવળચંડુ હોય છે

મોતી નું ઘર છીપલું હોય છે

2009-11-28T13:51:00.004+05:30

તું કલ્યાણી, દ્રોપદી, કૃષ્ણા!

કોણ જાણ્યું તારી તૃષ્ણા ?

2009-11-27T10:19:00.005+05:30

મર્યા પછી તો સુખ જ હતું, શ્રીરંગ

ત્યાં સુધી પહોંચવું જ કપરુ હતું

2009-11-27T10:12:00.003+05:30

ફૂલનું જ ઝેર ચઢયું હશે,

પતંગીયું એટલે જ તરફડ્યું હશે

2009-10-03T18:47:00.006+05:30

વેદનાઓ ઝીલી હતી જે હામમાં,

ઉતારી એને જ અમે સાનમાં,

વાતો રહી તારી,મારી યાદમાં,

રાત આખી વીતી વરસાદમાં,

સપનું રોજ ચોળાયું આંખમાં

એક જ ઘા એ વીંધાયું સવારમાં

જીન્દગી વીતી તારા જ આભાસમાં,

રાધાની જેમ વીતી કાનાના સહવાસમાં.

2009-08-29T09:53:00.008+05:30

વાતો રોજ નવી લખતી રહું છું,

કાગળ ને કલમ થી ભરતી રહું છું.

ધારદાર શબ્દોને ગોખ્યા પછી,

તકતી એની મનમાં મઢતી રહું છું.

ખોવાયેલી તારી દરેક યાદોમાં,

સૂની સાંજે હું ય ઢળતી રહું છું.

સ્વપ્નાની યાદી ને યાદ કરી,

રાત આખી હું બળતી રહું છું.

ભીંતોને કરવા જીવંત બે ઘડી માટે,

દિવસ અને રાત મથતી રહું છું.

2009-02-25T10:17:00.013+05:30

કંઇક કેટલાય વમળો વચ્ચે ચકરાઉ છું

ડૂબી મધદરીયે વળી કિનારે ટકરાઉ છું

ભ્રમર કને પુષ્પોની તકેદારી રાખું છું

ના કરમાય કોઈ પુષ્પો,ભાળ રાખું છું

શૂન્યવકાશથી નીત જાતને પાલવું છું

ભીતર એક ડરને દરરોજ હું પંપાળું છું

સૌ અચેત છે અહીં એ વાત જાણું છું
સ્પર્શી લજામણીને મનમાં હરખાઉ છું

દૂરથી કોઈ મને સાદ કરે છે.

2008-11-18T09:56:00.002+05:30

બહુ દૂરથી કોઈ મને સાદ કરે છે,
તારી જ યાદો મને યાદ કરે છે.

મંદ વહેતો પવન તારી વાત કરે છે,
તારા જ વિચારો આવી મજાક કરે છે.

વધતા ધબકારો તારો જ ભાસ કરે છે,
તારો આભાસ પણ મને ખાસ કરે છે.

નીંદરમાં પણ તું મને પરેશાન કરે છે,
મીઠીં ફૂકો મારી મને સતાવ્યા કરે છે.

રાત્રીના અંધકારને પણ વધુ રંગીન કરે છે,
મારી કલ્પનાઓને તું આમ જ જીવંત કરે છે.

2008-10-18T16:19:00.002+05:30

અંતર સંવેદનાઓને મહેંકવાતો દે
એ મહેંક ઉપર મને કઈંક લખવાતો દે

મેઘધનુષ નો પડાવ બદલવાતો દે
છોડીને આભ એને મકાનમાં રહેવાતો દે

એકલતાની વેદનાને ઓસરવાતો દે
તારા એ મકાનને હવે ઘર બનવાતો દે

આંગણાને કંકું-ચોખા થી શોભવાતો દે
રહે છે અહીં,કવિ "ગ.મી" લોકોને જાણવાતો દે

ચાલને થોડી જીંદગી જીવી લઈએ ...

2008-10-06T19:24:00.004+05:30

ચાલને થોડી જીંદગી જીવી લઈએ
ગમતી આપણી ક્ષણો જીવી લઈએ

આકાશમાં આપણે પણ ઉડી લઈએ,
ત્યાંથી મનગમતા રંગો વીણી લઈએ

રંગોના એ બધા કાફલાને વહેંચી લઈએ
નોખા શમણાઓને એનાથી સીંચીં લઈએ

તારાઓની ફરીથી ગણતરી કરી લઈએ
ગમતા તારાઓને આંખોમાં ભરી લઈએ

આપેલા કોલને ભીતર માં જ જડી લઈએ
હવે એકમેકનો સાથ કાયમ માંગી લઈએ

વન વીનાના જીવનની વ્યાખ્યા જાણી લઈએ
પંપાળી જીંદગીને એનો આભાર માની લઈએ

સમય ખૂબ જ ઓછો છે, યાદ કરી લઈએ
ઢળતો સૂરજ,ઉગતી સાંજો ની બાકી નોંધી લઈએ

2008-07-21T09:46:00.003+05:30

પત્રમાં ભીડાયેળી હથેળીઓ ની ભીનાશ મોકલું ??
કે તને સ્પર્શવા જાગેલી ટેરવાઓની તરસ મોકલું ??

ડેમની પાળ પર ભુલાય ગયેલા લાલ ફૂલો મોકલું ??
કે ખોખારો ખાતો ઉંમરલાયક વડલાની છાય મોકલું ??

મહાદેવ ના મંદીરમાં ગાજતો મધુર ઘંટારવ મોકલું??
કે સમી સાંજે ગુંજી ઉઠેલ પખીંઓનો કલરવ મોકલું ??

કોરાધાકર તારા હૈયા માટે ભીની મારી લાગણીઓ મોકલું ??
કે લાગણીઓને જ મૂડી સમજતી મારી સમજણ મોકલું ??

તેમ છતાં લાગે અધુરો પત્ર તો, બોલ હવે હું શું મોકલું ????
ચાલ તારી સાથે જીવેલી મારી જીન્દગીની પળે - પળ મોકલું ....

બનાવટી ફૂલના ક્યારા

2008-07-14T15:17:00.005+05:30

જીવનમાં મને પણ એ ઘણા પ્યારા હતાં,
પણ એ તો બધા સ્વાર્થ ના ચાળા હતાં,
સંબંધો ક્યાં મહેકતા હતાં પહેલાની માફક
બનાવટી ફૂલના બધા ક્યારા હતાં..

ક્યારેક સવારે,ક્યારેક રાત્રે ખીલતા હતાં,
કોઈ ખીલીને તરત જ કરમાતાં હતાં,
રાખી ખુબ જ નજીક, પછી દૂર કરતાં હતાં,
નજીવી બાબતોમાં સંબંધો તોડતા હતાં..

લાગણીઓ સાથે સુંદર રમત રમતાં હતાં,
કોઈ પુછે તો હળવે-હળવે હસતાં હતાં,
બનાવટ પાછળ બધા જ મધમાતાં હતાં,
ને એકમેકથી આમ જ છેતરાતાં હતાં...

ઓ મેહુલીયા ....

2008-07-12T18:13:00.006+05:30

ઓ મેહુલીયા આમ કેમ વરસે છે તું ??
કોરીધાકર ધરતી ને કેમ પજવે છે તું ??

પીછાણે છે સારી રીતે એની તરસને તું ??
તો ઝરમર વરસી કેમ તરસી કરે છે તું ??

રાત્રીના ગાઢ અંધકારમાં શું દેખે છે તું ??
તારી જ વિશાળતાથી એને ઢાંકે છે તું ??

તારા હ્રદયની વાતો ને કદી માને છે તું ??
ભીંજાતી આ ધરાને ક્યારેક નીહાળે છે તું ??

ખીલી ઉઠે છે એનું યૌવન એ જાણે છે તું ??
એ જાણ્યા પછી ક્યારેય એને માણે છે તું ??

સોહામણા તારા સ્પર્શથી શું અજાણ છે તું ??
કે સ્પર્શવા "લજામણી"ને ડોળ કરે છે તું ??

"લજામણી" થઈ ગઈ

2008-07-02T09:49:00.007+05:30

મજાક મજાક માં મજાની વાત થઈ ગઈ,
તું કાયમ માટે મારો,ને હું તારી થઈ ગઈ.

તું ચાહે છે મને એ વાત જાણીતી થઈ ગઈ,
એ જાણીને હું તો પાણી - પાણી થઈ ગઈ.

જિંદગી કઈંક અંશે મારી સારી થઈ ગઈ,
એમ લાગે કે એને પણ હું પ્યારી થઈ ગઈ.

દઝાડતા દિવસોની યાદ ઝાંખી થઈ ગઈ,
ફૂલો અને કટંક ની જાણે મિત્રતા થઈ ગઈ.

વર્ષાની બુંદોથી ધરતી મધમાતી થઈ ગઈ,
હવે સુકાયેલી એક નદી વહેતી થઈ ગઈ.

પેલા જ્યોતિષે કહેલી વાત સાચી થઈ ગઈ,
તને પામી ને હું તો "લજામણી" થઈ ગઈ...

2008-05-16T09:38:00.001+05:30

તારી જ માલીકીનું હોય એવું એક મન દે,
વિચારવા થાવ મજબુર એવું એક મન દે,
રહું જેમા હું માત્ર તારી ને તારી જ બનીને,
જો મન થાય તો આવું મને મન દે...

મનથી મન સુધીનું જેમા મીલન હોય,
શ્વાસ કે વિશ્વાસની જેમાં વાત જ ના હોય,
તારા જ હોવાપણાની જેમા અનુભુતી હોય,
જો મન થાય તો આવું મને મન દે...

જેમા મન મારૂ માણસાઈથી ભરેલું હોય,
લોકોની તકલીફ સમજવાની થોડીક સમજણ હોય,
તને સ્પર્શેલા બુંદમાં જ મારૂ અસ્તીત્વ હોય,
જો મન થાય તો આવું મને મન દે...

બની જવું ગમે...

2008-05-02T09:40:00.011+05:30

તું શ્વાસમાં ભરે એ હવા થઈ મહેકવું ગમે...
તું આખોમાં ભરે એ સ્વપન થઈ સજવું ગમે...
તું સ્પર્શે જેને જેને એ બની જવું ગમે...

તું પીવે હોઠોથી જે જામ એમા મદિરા થઈ છલકવું ગમે...
તું કર્ણૉ દ્વારા સાંભળે વારંવાર એવું ગીત થઈ ગુંજાવું ગમે...
તું સ્પર્શે જેને જેને એ બની જવું ગમે...

તું બોલે જે જિહ્વા થી તેના શબ્દો થઈ વહેવું ગમે......
તું લખે જે કાગળ પર તેના અક્ષરો થઈ ઘુંટાવું ગમે.....
તું સ્પર્શે જેને જેને એ બની જવું ગમે...

“Lajamani” & “Radhe Krishna”

કદાચ હું કાલે નહીં હોઉં...

2008-04-24T09:39:00.006+05:30

ઊગતાં સૂરજને મને તું કંઈ પૂછવાં દે,

ઢળતી સાંજેને મને તું કંઈ પૂછવાં દે,

પૂછવાં દે આ ઘર,આ સંબધને,

કદાચ હું કાલે નહીં હોઉં.....

નીર ભીના તારા નેણ મને સ્પર્શવા દે,

તારા ગાલ પરનો તીલ મને સ્પર્શવા દે,

સ્પર્શવા દે તારા લલાટનું કુમ કુમ,

કદાચ હું કાલે નહીં હોઉં.....

જીવન મારું ક્ષણભર છે એ હવે સ્વીકારવા દે,

તારી હાજરી વગરનું જીવન થોડુંક જીવવા દે,

હવે તો આ જ વાસ્તવિકતા છે,

કદાચ કાલે હું નહીં હોઉં.....

યાદો , તારી જ યાદો ....

2008-04-22T16:13:00.007+05:30

હસાવે છે આ યાદો ,રડાવે છે આ યાદો,
પજવવાની દરેક રીતે પજવે છે યાદો...

ભીડમાં હંમેશા મને એકલી પાડે છે યાદો,
એકાંતમાં એકલતા વધુ વધારે છે યાદો...

ક્યારેક ડૂબી જઉં જો હું યાદોના દરીયામાં,
તો લાવી મધદરીયે એકલી છોડે છે યાદો...

કોઈ માંગે તો ઉધારીમાં વેચું છું એ જ યાદો,
કયારેક મને તે પ્રેમથી આપી હતી જે યાદો...

બંધીયાર મનમાં જ્યારે ચક્રરાવે જઢી યાદો,
ત્યારે લખી કવિતા ફરી વહેતી કરી મે યાદો.....

તમને ગમતા ફૂલ..

2008-03-31T09:49:00.014+05:30

ના ખીલતા,
ના કરમાતા,
અમે તો થોર ના ફૂલ,

ના રૂપાળુ રૂપ,
ના રંગીન રંગ,
અમે તો ભમરા વિહોણા ફૂલ,

ના સુગંધ,
ના મહેંક,
માત્ર નામના જ ફૂલ,

તમે જ કહો,
કેવી રીતે બનીયે ??
તમને ગમતા ફૂલ..

હું જીવું છું..

2008-03-17T15:53:00.002+05:30

વિશ્વાસ થી આપેલા શ્વાસમાં હું જીવું છું,
અકબંધ શરીર માં પુરાઈ ને હું જીવું છું.

દરેક સંબંધ છે નામ વગરના છતાંય,
સંબંધમાં મળેલ સંબોધનમાં હું જીવું છું.

વેદનાસભર જીવનની પળ જીવી તો જો,
પળથી બનેલ વર્ષોમાં વર્ષોથી હું જીવું છું.

તારી ગેરહાજરી હજી સ્વીકારી નથી શકતી,
એટલે જીવંત રાખી તને આજેય હું જીવું છું.

સંભારણું.....

2008-03-10T15:09:00.007+05:30

ધરતીને તો આકાશને જ અડવું હતું
નદીને તો માત્ર દરીયાને જ મળવું હતું
ઝરણાંને તો આમ જ વહેવું હતું
મારે તો ફક્ત તારા જ રહેવું હતું.....

રાતરાણીને તો દિવસે મહેકવું હતું
ચંદ્રને તો ચાંદનીમાં જ ઓગળવું હતું
અંધકારને તો ઉજાસમાં સમાવવું હતું
મારે તો ફક્ત તારા જ રહેવું હતું......

મનથી તારા મન સુધી જ પહોચવું હતું
તારા વિના મારે ક્યાં જીવવું હતું ???
તારા જ સ્પર્શે તો "લજામણી" બનવું હતું
મારે તો ફક્ત તારા જ રહેવું હતું......

2008-03-03T09:55:00.003+05:30

બંધ કર.....

વિશ્વાસ ને તું તોડવાનું બંધ કર,
લોકો ને હવે તું છેતરવાનું બંધ કર,

દુભાયેલી લાગણીને વધુ દુભાવનાર,
લાગણીશીલ વ્યકતીને હૈયું આપવાનું બંધ કર,

જડ બની જીવાય જશે જીવન દરેકનું,
લોકોની પ્રાર્થના સાથે તું રમવાનું બંધ કર,

પશ્નો ઘણા ઉદભવ્યા છે,આજે તારા અસ્તિવ પર,
તું છું ??તો રહી મારી સાથે મંદિરમાં રહેવાનું બંધ કર,

રજમાત્ર ધુળ પણ તું ફૂલ પર ના સ્વીકારી શકે ????
તો બની મનુશ્ય, તું ઇશ્વર બનવાનું બંધ કર..

સંભારણું.....

2008-02-27T16:40:00.006+05:30

ચાંદ અને ચાંદનીની જોડી ખુબ વહાલી લાગે
એની બાજુનો તારો તારા ગાલ પરનો તીલ લાગે,

તારો સાથ હોય તો આ સમય ખુબ સુંદર લાગે
મારા હાથમાં તારો જ હાથ ખુબ વહાલો લાગે,

આ ઠંડી હવાનો સ્પર્શ મને ખુબ માદક લાગે
તું નજરોથી સ્પર્શે મને બસ કઈંક એવું જ લાગે,

તારા વગર સાચું કહું તો બહુ સૂનું સૂનું લાગે
આ એકલતા મને કોરી ખાસે કંઇક એવું લાગે,

દૂરથી તું જોતો , ડુંગર કેવા રળીયામણા લાગે
પાસેથી એ પણ તારા જેવા લાગણી વિહોણા લાગે...

તને ચાહું છું....

2008-02-26T09:49:00.006+05:30

મળે છે તું ક્યારેક છતાં હું તને ચાહું છું,
વરસે છે તું ભાગ્યે જ છતાં હું તને ચાહું છું.

વિચારો ઘણા છેટા છે તારા અને મારા,
તું આભ અને હું ધરા છતાં હું તને ચાહું છું.

લાગણીઓની કિંમત શું જાણે આ જમાનો,
માંગણીઓથી મળે બધુ છતાં હું તને ચાહું છું.

સ્પર્શની પરીભાષા જાણી હું તને ચાહું છું,
તું શું જાણે ?? કેટલું હું તને ચાહું છું.

સૂરજ બની પ્રકાશે તું હંમેશા મારી દુનિયા,
છું ચંદ્રની ચાંદની છતાં હું તને ચાહું છું.....

2008-01-29T09:48:00.001+05:30

મન મુકી તમે વરસતા શીખો,
કયારેક તો મને ભીંજવતા શીખો

લાગણીઓને ના ધુઓ આંસુઓ વડે,
શબ્દ થકી એને સમજાવતા શીખો

પ્રેમ શા માટે રાખો તમે છાનો છાનો,
સ્પર્શ ની આપી વાચા કહેતા શીખો

જીવન સંપૂર્ણ રંગાઈ જશે જ તમારૂ,
ગુલાબી આ રંગ માં રંગાતા શીખો

કયા સુધી હું રાહ જોઉ તમારી ???
કયારેક તો મને તમારા કહેતા શીખો

મન મુકી તમે ભીંજવતા શીખો....
મારા થકી તમે ભીંજાતા શીખો....

2008-01-21T10:16:00.002+05:30

એકલો અટુલો તારો રોજ આકાશમાં ટમક્યાં કરે,
અને પાછો રોજ મને કંઈક નવું સમજાવ્યા કરે

જાણે મારી એકલતાની ચાડી ખાતો હોય તેમ,
બહું દૂરથી જોઈ મને, ખૂબ હસ્યા કરે

જીવનમાં બધું જ છે છતાં "પણ" આ
"પણ" પાછળના જણ ને મારામાં જ શોધ્યા કરે

જ્યારે વિચારોની વેદના આસું બની સર્યા કરે,
ત્યારે રૂદન મારું જોઈ પોતે પણ રડ્યાં કરે,

મધરાતે પણ એ મારી જ પ્રતિક્ષા કર્યા કરે
નિંદરની ગેરહાજરીમાં મિત્રની ખોટ સાર્યા કરે

મારી વહાલી "એકલતા"

2007-12-25T09:44:00.001+05:30

વર્ષોથી સંઘરેલી મારી મૂડી તું જ તો છે.
હંમેશા મને તારી ગણતી તું જ તો છે.

મારા જ મનની નિવાસી તું જ તો છે.
મિત્રોથી હંમેશા વંચીત તું જ તો છે.

મને જાણતી ને ,મને જ માણતી તું જ તો છે.
મને સમજાવતી,મને સંભાળતી તું જ તો છે.

મારા હાસ્ય, મારા આંસુમાં તું જ તો છે.
છોડું તારો સાથ તો,બમણી વળગતી તું જ તો છે.

બે ધબકારો વચ્ચેની ખાલી જગ્યામાં તું જ તો છે.
મારા અને પારસમણી વચ્ચેનો સેતું તું જ તો છે.

જેના માટે હું લખું આ કવિતા એ બીજું કોઈ નહીં,
મારી વહાલી "એકલતા" એ તું જ તો છે.

સંભારણું....

2007-12-11T09:53:00.001+05:30

સૂનીં એક સાંજે તું યાદ આવ્યો
એકાંત ભરી રાતે તું યાદ આવ્યો

કળીઓ જ્યારે ભમરાને જોઈ ઝુકી જરા
એ ઘડી, એ ક્ષણે તું યાદ આવ્યો...

દર્પણમાં મારું પ્રતિબિંબ જોયું અને તું યાદ આવ્યો
સપનાઓની યાદી બનાવી અને તું યાદ આવ્યો

સૂર્ય જ્યારે આથમ્યો પેલે પાર ચંદ્રને જોઈ
એ ઘડી, એ ક્ષણે તું યાદ આવ્યો...

વાત જ્યારે મારી આવી તું યાદ આવ્યો
વરસતી એકલી વાદલડી જોઈ તું યાદ આવ્યો

માંગતા તને આકાશમાંથી જ્યારે ખર્યો એક તારો
એ ઘડી, એ ક્ષણે તું યાદ આવ્યો.....

રાત.......

2007-12-11T09:41:00.001+05:30

દરરોજ રાતે આવે આવી રાત
અંધકારની સાથે આવે તારી યાદ..

દિવસ તો વીતી જાય છે પળવારમાં
નથી વીતતી હવે આ લાંબી રાત..

આંખ ઉભરાય છે લાગણીઓથી વાંરવાર
આવે છે જ્યારે તારી એજ મીઠી યાદ..

ઘણાં રહ્યાં દૂર હવે નથી રહેવું દૂર
તારા જ સપને સજાવી છે અનેક રાત..

તારા વિચારોથી મહેંકે છે મારી દરેક રાત
ક્યારેક તો મને સ્પર્શી મહેકાવો મારી એકાદ રાત..

મારા હાથમાં તારો જ હાથ.....

2007-12-08T10:41:00.001+05:30

મારા હાથમાં તારો જ હાથ જોવા મળે,
બંધ આંખ ખોલુ અને ચહેરો તારો જ જોવા મળે.

કંઈ બોલુ ત્યારે તારો જ અવાજ સાંભળવા મળે
નજર ઠેરવું જ્યારે તારી જ પડછાઈ જોવા મળે.

તારા બની ચમકે જ્યારે તારા આકાશમાં
તારા એ તારા નહીં મને મારા એ જોવા મળે.

ઓગળી જાઉં પળવારમાં મીણ માફક,
તારા જ સ્પર્શ થકી જો ઓગળવા મળે.

ઘન્ય ગણું મારા આ જીવનને ત્યારે જ
જો તારી જ સાથે જીવવા અને મરવા મળે.

સ્પર્શથી પર તેવા પારસમણી માટે..

2007-12-05T19:35:00.002+05:30

નોખી એક વ્યકિત, ને નોખું એનું ઉપનામ,
નોખી એની વાત, ને નોખું એનું માન,

નોખા એના વેણ(કટાક્ષભર્યા), નોખી એની રીત
નોખી રીતે ઘડાયેલો, નોખો એ જણ,

ખારાશ રાખી અવાજમાં દુભાયેલી લાગણીઓ સંતાડતો,
એ જ ખારાશ થકી એના નયન ને સજાવતો,

એકલતા પ્રત્યેનો એનો પ્રેમ, એકાંતમાં જ વાગોળતો,
દઝાડતા પશ્રોના જવાબમાં અમુક સમયનું મૌન એ માંગતો,

અશ્રુ ભીની મારી આંખોમાં હાસ્ય એ રેલાવતો,
પ્રિય મિત્ર તરીકેની ફરજને, એ આજ રીતે નિભાવતો.

તારી યાદની યાદ.....

2007-12-01T10:19:00.002+05:30

તારી યાદને યાદ કરી જ્યારે બેઠી હતી
ત્યારે જ હવામાં કંઈક સુગંધ ફેલાઈ હતી

ચંદ્ર પણ ઊંચેંથી આ ર્દશ્ય નિહાળતો હતો,
ચાંદનીને એ કંઈક સમજાવતો હતો.

તારા સંબોધનને જ્યારે હું સ્પર્શી હતી,
વાદળ સમ આંખ મારી વરસી હતી.

તારી તસ્વીરને જ્યારે મેં ચુમી હતી,
ચાંદની શરમાઈને ધીમું હસી હતી.

ઈશ્વર પાસે જ્યારે મેં તને માંગ્યો હતો,
આકાશમાંથી એક તારો ત્યારે જ ખર્યો હતો.

એક વાત કહું કાનમાં......

2007-11-27T20:14:00.002+05:30

એક વાત કહું કાનમાં જો પાસે આવે
જ્યારે જોઉં તને હું ખુબ વહાલ આવે

બેસે જ્યારે તું મારી પડખે પળવાર
એ પળે પળ જિંદગીભર યાદ આવે

એકલું અટુલું જ્યારે મારું નામ આવે
નામ પાછળ ત્યારે તારું નામ આવે

પડછાયો તારો બને જ્યારે છાયો મારો
હું કોણ છું તારી એનું મને ભાન આવે

અમસ્તી વાત જ્યારે તારી આવે
કોરા હાથમાંથી મહેંદીની સુગંધ આવે

લખું ઝાકળથી પત્ર પણ....

2007-11-24T10:47:00.001+05:30

લખું ઝાકળથી પત્ર પણ તમે તડકામાં ખોલો તો ????

સંબોધું તમને "મારા વાહલા" થી, તો પણ તમે ના સમજો તો ???
વર્ણવું મારી લાગણીઓ ને શબ્દો થકી, પણ તમે અલંકારીક ભાષા સમજો તો ???

લખું ઝાકળથી પત્ર પણ તમે તડકામાં ખોલો તો ????

ઝંખુ તને હું ક્ષણેક્ષણ - પળેપળ, પણ તમે પાગલપણ સમજો તો ??
આખા દિવસનો હું મારો હિસાબ મોકલું, પણ તમે રોજનીશી સમજો તો ??

લખું ઝાકળથી પત્ર પણ તમે તડકામાં ખોલો તો ????

મોકલું મારી એકલતા SMS થી, પણ તમે BLANK SMS સમજો તો ??
વિસ્તારું તમને હું કાગળ ઉપર, પણ તમે મને કવિયત્રી સમજો તો ??

લખું ઝાકળથી પત્ર પણ તમે તડકામાં ખોલો તો ????

હું રહીશ તો તારી જ સાથે...

2007-10-30T20:58:00.001+05:30

તારી 'હા' અને 'ના' મારા
માટે બન્ને મહત્વની છે...

તું 'ના' પાડીશ તો તારા હૃદયમાં
અકબંધ લાગણી બનીને રહીશ...

તું 'હા' પાડીશ તો તારા કપાળનું
કુમકુમ બનીને રહીશ..

પણ હું રહીશ તો તારી જ સાથે...

એકલી અધુરી સાંજે....

2007-10-20T17:47:00.002+05:30

એકલી અધુરી સાંજે આપણે મળ્યાં હતા,
ને દરીયાને કિનારે જઈને બેઠા હતા,

સંધ્યાના રંગો અંધકારમાં સમાયા હતા,
જ્યારે તમારી આંખમાંથી આંસુ સર્યા હતા,

આમ તો અમે સાવ અધુરા હતા,
ને તોય તમારે મન અમે મધુરા હતા,

સપના જે આપણા અધુરા રહ્યાં હતા,
એ સપના આપણા જ પુરા કરવાના હતા.

મન થાય....

2007-10-13T19:39:00.002+05:30

મન મૂકી તારા પર વરસવાનું મન થાય..
ભીંજવી તને ખુદ ભીંજાવાનું મન થાય..

હાથમાં રાખી હાથ નજીક બેસવાનું મન થાય..
ને તારા જ સ્પર્શ થકી મહેકવાનું મન થાય..

તારા જ રંગે રંગાવાનું મન થાય..
ને પછી,તારામાં જ ભળી જવાનું મન થાય..

ફક્ત તને એક ને જ પામવાનું મન થાય..
ને માત્ર તારે કારણે જ મને જીવવાનું મન થાય.....

તો સારું....

2007-10-08T17:58:00.000+05:30

આવું રોજ કરતા રહો તો ઘણું સારું
કોક વાર મળતા રહો તો વધુ સારું
રસ્તાઓ તો ઘણા છેટા છે તમારા અને મારા
કોક વાર એ પણ મળતા રહે તો વધુ સારું
માત્ર મનને મનાવી ને બધા જીવન જીવે છે અહીં
એકમેકને મનાવી ને જીવાય તો વધુ સારું

ઝંખુ છું...

2007-10-06T10:19:00.002+05:30

જીવનભર સાથે રહે એવી ઝંખુ છું મિત્રતા
ફેલાય જેની સોડમ ચોતરફ્ એવી ઝંખુ છું મિત્રતા

સમાજનાં બંધન ના હોય જેમાં એવી ઝંખુ છું મિત્રતા
રહે પવિત્ર હમેશાં એવી ઝંખુ છું મિત્રતા

મરણ સુધી કાયમ રહે એવી ઝંખુ છું મિત્રતા
પેલો ચાંદ પણ નજર લગાડે એવી ઝંખુ છું મિત્રતા

શેના વિશે લખું ???

2007-10-05T18:09:00.001+05:30

તારા હૃદયની વિશાળતા વિશે લખું ??
કે તારી ને મારી મિત્રતા વિશે લખું ??

કોરીધાકોર તારી લાગણીઓ વિશે લખું ??
કે તને કોરી ખાતી આ એકલતા વિશે લખું ??

સમયે મારેલા તમાચાઓ વિશે લખું ??
કે સંબંધમા મળેલા વિશ્વાસઘાત વિશે લખું ??

સ્વપ્ન વિહોણી તારી રાતો વિશે લખું ??
કે નિસાસાથી ભરેલા તારા શ્વાસ વિશે લખું ??

સ્પંદન વિહોણા તારા અહેસાસ વિશે લખું??
કે કોઈને સ્પર્શેલા તારા સંભારણા વિશે લખું ??

લખવા માટે તો ઘણું બધુ છે મારા વાહલા,
હવે તુજ કહે કે હું શેના વિશે લખું ???

તારા સાનિધ્યમાં...

2007-10-05T18:08:00.001+05:30

જીવન મારું બન્યું અતિ સુંદર તારા સાનિધ્યમાં,
અને એકલતા બધી ગઈ વિસરાઈ તારા સાનિધ્યમાં...

નાની નાની મારી ઈચ્છાઓ થઈ તૃપ્ત તારા સાનિધ્યમાં,
ને પ્રાર્થનાઓ થઈ ફળીભુત તારા સાનિધ્યમાં..

પ્રેમનો સાચો અર્થ પામી હું તારા સાનિધ્યમાં,
ને સંબંધો આ મથાળા હેઠળ રચાયા તારા સાનિધ્યમાં..

મારા જીવનની છેલ્લી ઈચ્છા છે તારા સાનિધ્યમાં,
કે તું સફળતા પામે તારા જીવનમાં મારા સાનિધ્યમાં....