સંભારણું.....

ચાંદ અને ચાંદનીની જોડી ખુબ વહાલી લાગે
એની બાજુનો તારો તારા ગાલ પરનો તીલ લાગે,

તારો સાથ હોય તો આ સમય ખુબ સુંદર લાગે
મારા હાથમાં તારો જ હાથ ખુબ વહાલો લાગે,

આ ઠંડી હવાનો સ્પર્શ મને ખુબ માદક લાગે
તું નજરોથી સ્પર્શે મને બસ કઈંક એવું જ લાગે,

તારા વગર સાચું કહું તો બહુ સૂનું સૂનું લાગે
આ એકલતા મને કોરી ખાસે કંઇક એવું લાગે,

દૂરથી તું જોતો , ડુંગર કેવા રળીયામણા લાગે
પાસેથી એ પણ તારા જેવા લાગણી વિહોણા લાગે...

તને ચાહું છું....

મળે છે તું ક્યારેક છતાં હું તને ચાહું છું,
વરસે છે તું ભાગ્યે જ છતાં હું તને ચાહું છું.

વિચારો ઘણા છેટા છે તારા અને મારા,
તું આભ અને હું ધરા છતાં હું તને ચાહું છું.

લાગણીઓની કિંમત શું જાણે આ જમાનો,
માંગણીઓથી મળે બધુ છતાં હું તને ચાહું છું.

સ્પર્શની પરીભાષા જાણી હું તને ચાહું છું,
તું શું જાણે ?? કેટલું હું તને ચાહું છું.

સૂરજ બની પ્રકાશે તું હંમેશા મારી દુનિયા,
છું ચંદ્રની ચાંદની છતાં હું તને ચાહું છું.....