અંતર સંવેદનાઓને મહેંકવાતો દે
એ મહેંક ઉપર મને કઈંક લખવાતો દે

મેઘધનુષ નો પડાવ બદલવાતો દે
છોડીને આભ એને મકાનમાં રહેવાતો દે

એકલતાની વેદનાને ઓસરવાતો દે
તારા એ મકાનને હવે ઘર બનવાતો દે

આંગણાને કંકું-ચોખા થી શોભવાતો દે
રહે છે અહીં,કવિ "ગ.મી" લોકોને જાણવાતો દે

ચાલને થોડી જીંદગી જીવી લઈએ ...

ચાલને થોડી જીંદગી જીવી લઈએ
ગમતી આપણી ક્ષણો જીવી લઈએ

આકાશમાં આપણે પણ ઉડી લઈએ,
ત્યાંથી મનગમતા રંગો વીણી લઈએ

રંગોના એ બધા કાફલાને વહેંચી લઈએ
નોખા શમણાઓને એનાથી સીંચીં લઈએ

તારાઓની ફરીથી ગણતરી કરી લઈએ
ગમતા તારાઓને આંખોમાં ભરી લઈએ

આપેલા કોલને ભીતર માં જ જડી લઈએ
હવે એકમેકનો સાથ કાયમ માંગી લઈએ

વન વીનાના જીવનની વ્યાખ્યા જાણી લઈએ
પંપાળી જીંદગીને એનો આભાર માની લઈએ

સમય ખૂબ જ ઓછો છે, યાદ કરી લઈએ
ઢળતો સૂરજ,ઉગતી સાંજો ની બાકી નોંધી લઈએ