મારી વહાલી "એકલતા"

વર્ષોથી સંઘરેલી મારી મૂડી તું જ તો છે.
હંમેશા મને તારી ગણતી તું જ તો છે.

મારા જ મનની નિવાસી તું જ તો છે.
મિત્રોથી હંમેશા વંચીત તું જ તો છે.

મને જાણતી ને ,મને જ માણતી તું જ તો છે.
મને સમજાવતી,મને સંભાળતી તું જ તો છે.

મારા હાસ્ય, મારા આંસુમાં તું જ તો છે.
છોડું તારો સાથ તો,બમણી વળગતી તું જ તો છે.

બે ધબકારો વચ્ચેની ખાલી જગ્યામાં તું જ તો છે.
મારા અને પારસમણી વચ્ચેનો સેતું તું જ તો છે.

જેના માટે હું લખું આ કવિતા એ બીજું કોઈ નહીં,
મારી વહાલી "એકલતા" એ તું જ તો છે.

સંભારણું....

સૂનીં એક સાંજે તું યાદ આવ્યો
એકાંત ભરી રાતે તું યાદ આવ્યો

કળીઓ જ્યારે ભમરાને જોઈ ઝુકી જરા
એ ઘડી, એ ક્ષણે તું યાદ આવ્યો...

દર્પણમાં મારું પ્રતિબિંબ જોયું અને તું યાદ આવ્યો
સપનાઓની યાદી બનાવી અને તું યાદ આવ્યો

સૂર્ય જ્યારે આથમ્યો પેલે પાર ચંદ્રને જોઈ
એ ઘડી, એ ક્ષણે તું યાદ આવ્યો...

વાત જ્યારે મારી આવી તું યાદ આવ્યો
વરસતી એકલી વાદલડી જોઈ તું યાદ આવ્યો

માંગતા તને આકાશમાંથી જ્યારે ખર્યો એક તારો
એ ઘડી, એ ક્ષણે તું યાદ આવ્યો.....

રાત.......

દરરોજ રાતે આવે આવી રાત
અંધકારની સાથે આવે તારી યાદ..

દિવસ તો વીતી જાય છે પળવારમાં
નથી વીતતી હવે આ લાંબી રાત..

આંખ ઉભરાય છે લાગણીઓથી વાંરવાર
આવે છે જ્યારે તારી એજ મીઠી યાદ..

ઘણાં રહ્યાં દૂર હવે નથી રહેવું દૂર
તારા જ સપને સજાવી છે અનેક રાત..

તારા વિચારોથી મહેંકે છે મારી દરેક રાત
ક્યારેક તો મને સ્પર્શી મહેકાવો મારી એકાદ રાત..

મારા હાથમાં તારો જ હાથ.....

મારા હાથમાં તારો જ હાથ જોવા મળે,
બંધ આંખ ખોલુ અને ચહેરો તારો જ જોવા મળે.

કંઈ બોલુ ત્યારે તારો જ અવાજ સાંભળવા મળે
નજર ઠેરવું જ્યારે તારી જ પડછાઈ જોવા મળે.

તારા બની ચમકે જ્યારે તારા આકાશમાં
તારા એ તારા નહીં મને મારા એ જોવા મળે.

ઓગળી જાઉં પળવારમાં મીણ માફક,
તારા જ સ્પર્શ થકી જો ઓગળવા મળે.

ઘન્ય ગણું મારા આ જીવનને ત્યારે જ
જો તારી જ સાથે જીવવા અને મરવા મળે.

સ્પર્શથી પર તેવા પારસમણી માટે..

નોખી એક વ્યકિત, ને નોખું એનું ઉપનામ,
નોખી એની વાત, ને નોખું એનું માન,

નોખા એના વેણ(કટાક્ષભર્યા), નોખી એની રીત
નોખી રીતે ઘડાયેલો, નોખો એ જણ,

ખારાશ રાખી અવાજમાં દુભાયેલી લાગણીઓ સંતાડતો,
એ જ ખારાશ થકી એના નયન ને સજાવતો,

એકલતા પ્રત્યેનો એનો પ્રેમ, એકાંતમાં જ વાગોળતો,
દઝાડતા પશ્રોના જવાબમાં અમુક સમયનું મૌન એ માંગતો,

અશ્રુ ભીની મારી આંખોમાં હાસ્ય એ રેલાવતો,
પ્રિય મિત્ર તરીકેની ફરજને, એ આજ રીતે નિભાવતો.

તારી યાદની યાદ.....

તારી યાદને યાદ કરી જ્યારે બેઠી હતી
ત્યારે જ હવામાં કંઈક સુગંધ ફેલાઈ હતી

ચંદ્ર પણ ઊંચેંથી આ ર્દશ્ય નિહાળતો હતો,
ચાંદનીને એ કંઈક સમજાવતો હતો.

તારા સંબોધનને જ્યારે હું સ્પર્શી હતી,
વાદળ સમ આંખ મારી વરસી હતી.

તારી તસ્વીરને જ્યારે મેં ચુમી હતી,
ચાંદની શરમાઈને ધીમું હસી હતી.

ઈશ્વર પાસે જ્યારે મેં તને માંગ્યો હતો,
આકાશમાંથી એક તારો ત્યારે જ ખર્યો હતો.

એક વાત કહું કાનમાં......

એક વાત કહું કાનમાં જો પાસે આવે
જ્યારે જોઉં તને હું ખુબ વહાલ આવે

બેસે જ્યારે તું મારી પડખે પળવાર
એ પળે પળ જિંદગીભર યાદ આવે

એકલું અટુલું જ્યારે મારું નામ આવે
નામ પાછળ ત્યારે તારું નામ આવે

પડછાયો તારો બને જ્યારે છાયો મારો
હું કોણ છું તારી એનું મને ભાન આવે

અમસ્તી વાત જ્યારે તારી આવે
કોરા હાથમાંથી મહેંદીની સુગંધ આવે

લખું ઝાકળથી પત્ર પણ....

લખું ઝાકળથી પત્ર પણ તમે તડકામાં ખોલો તો ????

સંબોધું તમને "મારા વાહલા" થી, તો પણ તમે ના સમજો તો ???
વર્ણવું મારી લાગણીઓ ને શબ્દો થકી, પણ તમે અલંકારીક ભાષા સમજો તો ???

લખું ઝાકળથી પત્ર પણ તમે તડકામાં ખોલો તો ????

ઝંખુ તને હું ક્ષણેક્ષણ - પળેપળ, પણ તમે પાગલપણ સમજો તો ??
આખા દિવસનો હું મારો હિસાબ મોકલું, પણ તમે રોજનીશી સમજો તો ??

લખું ઝાકળથી પત્ર પણ તમે તડકામાં ખોલો તો ????

મોકલું મારી એકલતા SMS થી, પણ તમે BLANK SMS સમજો તો ??
વિસ્તારું તમને હું કાગળ ઉપર, પણ તમે મને કવિયત્રી સમજો તો ??

લખું ઝાકળથી પત્ર પણ તમે તડકામાં ખોલો તો ????

હું રહીશ તો તારી જ સાથે...

તારી 'હા' અને 'ના' મારા
માટે બન્ને મહત્વની છે...

તું 'ના' પાડીશ તો તારા હૃદયમાં
અકબંધ લાગણી બનીને રહીશ...

તું 'હા' પાડીશ તો તારા કપાળનું
કુમકુમ બનીને રહીશ..

પણ હું રહીશ તો તારી જ સાથે...

એકલી અધુરી સાંજે....

એકલી અધુરી સાંજે આપણે મળ્યાં હતા,
ને દરીયાને કિનારે જઈને બેઠા હતા,

સંધ્યાના રંગો અંધકારમાં સમાયા હતા,
જ્યારે તમારી આંખમાંથી આંસુ સર્યા હતા,

આમ તો અમે સાવ અધુરા હતા,
ને તોય તમારે મન અમે મધુરા હતા,

સપના જે આપણા અધુરા રહ્યાં હતા,
એ સપના આપણા જ પુરા કરવાના હતા.

મન થાય....

મન મૂકી તારા પર વરસવાનું મન થાય..
ભીંજવી તને ખુદ ભીંજાવાનું મન થાય..

હાથમાં રાખી હાથ નજીક બેસવાનું મન થાય..
ને તારા જ સ્પર્શ થકી મહેકવાનું મન થાય..

તારા જ રંગે રંગાવાનું મન થાય..
ને પછી,તારામાં જ ભળી જવાનું મન થાય..

ફક્ત તને એક ને જ પામવાનું મન થાય..
ને માત્ર તારે કારણે જ મને જીવવાનું મન થાય.....

તો સારું....

આવું રોજ કરતા રહો તો ઘણું સારું
કોક વાર મળતા રહો તો વધુ સારું
રસ્તાઓ તો ઘણા છેટા છે તમારા અને મારા
કોક વાર એ પણ મળતા રહે તો વધુ સારું
માત્ર મનને મનાવી ને બધા જીવન જીવે છે અહીં
એકમેકને મનાવી ને જીવાય તો વધુ સારું

ઝંખુ છું...

જીવનભર સાથે રહે એવી ઝંખુ છું મિત્રતા
ફેલાય જેની સોડમ ચોતરફ્ એવી ઝંખુ છું મિત્રતા

સમાજનાં બંધન ના હોય જેમાં એવી ઝંખુ છું મિત્રતા
રહે પવિત્ર હમેશાં એવી ઝંખુ છું મિત્રતા

મરણ સુધી કાયમ રહે એવી ઝંખુ છું મિત્રતા
પેલો ચાંદ પણ નજર લગાડે એવી ઝંખુ છું મિત્રતા

શેના વિશે લખું ???

તારા હૃદયની વિશાળતા વિશે લખું ??
કે તારી ને મારી મિત્રતા વિશે લખું ??

કોરીધાકોર તારી લાગણીઓ વિશે લખું ??
કે તને કોરી ખાતી આ એકલતા વિશે લખું ??

સમયે મારેલા તમાચાઓ વિશે લખું ??
કે સંબંધમા મળેલા વિશ્વાસઘાત વિશે લખું ??

સ્વપ્ન વિહોણી તારી રાતો વિશે લખું ??
કે નિસાસાથી ભરેલા તારા શ્વાસ વિશે લખું ??

સ્પંદન વિહોણા તારા અહેસાસ વિશે લખું??
કે કોઈને સ્પર્શેલા તારા સંભારણા વિશે લખું ??

લખવા માટે તો ઘણું બધુ છે મારા વાહલા,
હવે તુજ કહે કે હું શેના વિશે લખું ???

તારા સાનિધ્યમાં...

જીવન મારું બન્યું અતિ સુંદર તારા સાનિધ્યમાં,
અને એકલતા બધી ગઈ વિસરાઈ તારા સાનિધ્યમાં...

નાની નાની મારી ઈચ્છાઓ થઈ તૃપ્ત તારા સાનિધ્યમાં,
ને પ્રાર્થનાઓ થઈ ફળીભુત તારા સાનિધ્યમાં..

પ્રેમનો સાચો અર્થ પામી હું તારા સાનિધ્યમાં,
ને સંબંધો આ મથાળા હેઠળ રચાયા તારા સાનિધ્યમાં..

મારા જીવનની છેલ્લી ઈચ્છા છે તારા સાનિધ્યમાં,
કે તું સફળતા પામે તારા જીવનમાં મારા સાનિધ્યમાં....