મારી વહાલી "એકલતા"

વર્ષોથી સંઘરેલી મારી મૂડી તું જ તો છે.
હંમેશા મને તારી ગણતી તું જ તો છે.

મારા જ મનની નિવાસી તું જ તો છે.
મિત્રોથી હંમેશા વંચીત તું જ તો છે.

મને જાણતી ને ,મને જ માણતી તું જ તો છે.
મને સમજાવતી,મને સંભાળતી તું જ તો છે.

મારા હાસ્ય, મારા આંસુમાં તું જ તો છે.
છોડું તારો સાથ તો,બમણી વળગતી તું જ તો છે.

બે ધબકારો વચ્ચેની ખાલી જગ્યામાં તું જ તો છે.
મારા અને પારસમણી વચ્ચેનો સેતું તું જ તો છે.

જેના માટે હું લખું આ કવિતા એ બીજું કોઈ નહીં,
મારી વહાલી "એકલતા" એ તું જ તો છે.