તારી જ માલીકીનું હોય એવું એક મન દે,
વિચારવા થાવ મજબુર એવું એક મન દે,
રહું જેમા હું માત્ર તારી ને તારી જ બનીને,
જો મન થાય તો આવું મને મન દે...

મનથી મન સુધીનું જેમા મીલન હોય,
શ્વાસ કે વિશ્વાસની જેમાં વાત જ ના હોય,
તારા જ હોવાપણાની જેમા અનુભુતી હોય,
જો મન થાય તો આવું મને મન દે...

જેમા મન મારૂ માણસાઈથી ભરેલું હોય,
લોકોની તકલીફ સમજવાની થોડીક સમજણ હોય,
તને સ્પર્શેલા બુંદમાં જ મારૂ અસ્તીત્વ હોય,
જો મન થાય તો આવું મને મન દે...